Mendiko argazki eta bideo onenak saria jasotzeaz gain, Gailurra MTko 22. Mendi Jardunaldietan proiektatuko dira.
Uribarriko Gailurra Mendi Taldeak 20 urte baino gehiago daroaz mendiarekin lotutako ekintzak antolatzen, mendi-irteerak direla, ikastaroak direla, mendi-jardunaldiak direla…
Aurten bide berria urratu nahi du mendi-bideoen eta -argazkien lehiaketaren bitartez.
Helburu bikoitza da. Batetik, mendizaleen parte hartzearekin bideogile eta argakilari zaleturik onenak erakarri eta saritu nahi dituzte. Bestetik, jasotako bideoak eta argazkiak erabiliz aurtengo mendi-jardunaldiak era parte hartzaileagoan antolatu nahi dute; izan ere, lehiaketako sarituak eta beste zenbait Bilboko Bidebarrieta liburutegian egin ohi dituzten mendi-jardunaldietan proiektatuko ditugu.
Honezkero eskuragarri dira lehiaketaren oinarriak Gailurra MTren webgunean eta Facebook-en.
SARIAK - Argazkilaritza
1.saria: 200 euro
2.saria: 100 euro
3.saria: 50 euro
SARIAK - Bideogintza
1.saria: 400 euro
2.saria: 200 euro
3.saria: 100 euro
Lanak bidaltzeko epe-muga irailaren 15a.
INFO + www.gailurra.org