uriola.eus

Bilboko preso biren senideek istripua eduki dute espetxerako bidean

  Politika  Bilbo
Etxerat elkarteak jakinarazi duenez, gaur goizean Burgosko probintzian istripua eduki dute hiru preso bisitatzera zihoazen senideek. Hirurak onik daude, baina kotxea mailatuta gelditu da. Bisitatzera zihoazen presoetako bi San Inazioko Txente Askasibar eta Gaizka Astorkizaga dira.

Etxeratek jakinarazi duenez, istripua gaur goizean gertatu da. Salamancako Topas espetxean dauden hiru presoren bikotekideak autoz bisitara zihoazela, Burgosko probintzian txakur bat irten zaie autopistara eta jo egin dute. Talkaren ondorioz, esan bezala, hiru lagunek ez dute kalterik jaso; autoak bai, ordea.

Txente Askasibar 18/98 sumarioan epaitu eta zigortu zuten, bere militantzia politikoaren ondorioz. Hamahiru urteko kartzela zigorra ezarri zioten. Gaizka Astorkizaga, ostera, sei urteko espetxe kondenaz zigortu zuten 2012an. Gaur egun Topasen daude biak preso, etxetik 450 kilometrora.

Informazio gehiago, Etxeraten webgunean.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa