Lehiaketa 13:30ean hasiko da, triatletak Udaletxearen parean ibaira botako direnean. Handik Salbeko zubirainoko bidea igerian egingo dute, buelta eman eta ibaian gora etorriko dira Areatzara arte. Areatzan lehenengo trantsizioa egingo dute.
Bizikletako tartea Areatzan hasiko da eta kirolariek itzuli bi egingo dizkiote 45 kilometroko ibilbideari (1.167 metroko desnibel metatua), Etxebarriako parkeranzko bidetik Galdakaorantz egingo du bideak eta Elorritxueta eta Artxanda igoko dituzte.
Probaren azken zatian, parte-hartzaileek hiru itzuli emango dizkiote Ibaiaren ertzetatik joango den zirkuituari; Areatzan hasi eta amaituko da zirkuitua, eta hantxe egongo da helmuga.
Bilbao Training Week-en II. edizioa
Bilbao Triathlonek bigarren aldiz antolatuko du Bilbao Training Week egitasmoa. Apirilaren 7tik 12ra bitartean izango dira nutrizioari eta entrenamenduei buruzko jardunaldi eta hitzaldiak; eta amaitzeko ‘Training Days’ delakoa egingo dute. Iaz ia 400 kirolarik parte hartu zuen hitzaldietan eta Bilboko ibaian eta Elorritxuetako igoeran egin ziren entrenamenduetan.