Urrezko domina lortu du Iker Sastrek Txekiar Errepublikako Openean

Bilbo

Urteko laugarren domina eta bigarren urrezkoa lortu du ping-pong jokalari bilbotarrak. Binakako lehiaketan egin du Miguel Angel Toledorekin batera MD4 klasean. Finalean Fabien Lamirault eta Teddy Gaudry txapeldun paralinpikoak 3-0 irabazi dituzte. Banakako lehiaketan final-laurdenetan galdu du Jiri Suchanen aurka.

Zailtasunak zailtasun Jon Uriarte Athletic-en presidentea izango da

Bilbo

Datu ofizialen faltan Uriartek irabazi ditu Athletic-en hauteskundeak. Botoen %46,71 (10.979 boto) lortu ditu, Arechabaletak %33, 72 (7.927 boto) eta Barkalak %18,13 (4.262 boto). Taldearen 33. presidentea izango da eta Valverde izango da gizonezkoen entrenatzailea. Iraia Iturregi izango da nesken entrenatzailea eta kirol proiektuaren arduradunaren izena ezagutzera eman beharko du Carlos Aviñaren kargugabetzearen ostean.