Saskibaloiaren giro bikaina Bilbon izango da, Itsas Museoko zelaigunean, larunbatean, hilak 29, eta igandean, hilak 30, 10:30etik 20:00etara, eta Isa Sanchez eta Elisa Aguilar jokalari historikoak arituko dira irakasle-lanetan. Barakaldon, berriz apirilaren 1 eta 2an izango da karabanaz gozatzeko aukera, Amaya Valdemoro irakasle lanetan. Amaya Valdemorok hiru eraztun irabazi ditu WNBAn (emakumezkoen NBAn), eta 2013ko Europako Txapelketa ere irabazi du. Horrez gain, saskibaloi-selekzio absolutuarekin partidu gehien jokatu dituen jokalaria da, 258 partidu, hain zuzen ere...
‘Road Show’ak erakusketa ibiltaria dauka, eta, horretan, kirol honekin lotutako gauza ugari erakutsiko dira, bere historiako pieza paregabeak, edota adin guztietarako joko interaktiboak. Horrez gain, bi saskibaloi kantxa ere badaude; bertan, kirol jarduera ugari programatuko dira, baita hastapen saioak ere, Bizkaiko ikastetxe eta klubekin. Ikuskizuna mota guztietako ikusleentzat pentsatuta dago, eta programatutako lehiaketetan eta jolasetan parte hartzen duten pertsonentzat hainbat sari egongo dira.