Ahal dugu! alderdiak atzo arratsaldean eman zion dio itxiera kanpainari. 19:00etan Plaza Barrian batu ziren eta gonbidatuen artean egon ziren, Gamoraleko auzokide mugimenduko kidea den Berri Espinosa eta Manuel Gari aktibista ekologista.
PSE-EEko kideek, gaur, goizeko 11:00etan dute hitzordua Alameda Rekaldeko egoitzan. Bertan, Ramon Jauregi, Eider Gardiazal, Maider Lainez eta Ekain Rico egongo direla aurreratu dute.
PPk ere goizean deitu du mitina, 11:00etan. Hauek Itsas Museoan batuko dira eta bertan, Carlos Iturgaiz, Arantza Quiroga eta Zor Nubla egongo dira beste askoren artean.
EH Bilduren ekitaldia Plaza Barrian izango da 19:00etan. Josu Juaristi zerrendaburuak eta Hasier Arraiz Sortuko presidenteak hartuko dute hitza. Koaliziotik jakinarazi dutenez, igandeko zenbaketa jaia Bilborocken izango da 20:00etatik aurrera.
EAJko kideak La Casillan emango diote amaiera Europar hauteskundeetako kanpainari 20:00etan. Jean Telletxeak, Izaskun Bilbaok, Andoni Ortuzarrek eta Iñigo Urkullu Lehendakariak hartuko dute hitza.
Europar hauteskundetarako kanpainari amaiera emango diete gaur alderdiek
Maiatzaren 8an hasitako hauteskunde kanpainari amaiera emango diote gaur alderdi politikoek. Gehienek Bilbon dute azken bozkak eskuratzeko hitzordua.