uriola.eus

Beltran de Herediak aitortu duenez ez dizkio epaileari `Cabacas auziko´ txosten guztiak eman

  Politika

EH Bilduk eskatuta, Estefania Beltran de Heredia sailburuak agerraldia egin du gaur goizean Eusko Legebiltzarrean, Cabacas auziaren inguruko azalpenak emateko.

Berria.eus agerkariak jasotzen duenez; EH Bilduk adierazitakoaren arabera, Eusko Jaurlaritzako Segurtasun sailburuak ez zizkion eman nahi izan instrukzio epaileari horrek eskatutako Ertzaintzaren bi barne instrukzio. Beltran de Herediak gaur goizean aitortu duenez, bere departamentuak ez zizkion epaileari eskatutako dokumentuak bidali, baina justiziarekin "kolaboratzeko" prest agertu da.

Instrukzioetako bat Ertzaintzaren istiluen kontra erabilitzen duen materialaren protokoloarekin zerikusia duena da (73. zenbakidun instrukzioa), eta bestea, biltzeko eta manifestatzeko eskubidea arautzen duena (6. zenbakidun instrukzioa).

Beltran de Herediak dioenez, bi dokumentuek ez dute Cabacas auziarekin zerikusirik, eta horregatik ez zizkioten epaileari bidali. Horren berri emateko idazkari bat bidali zuten Ana Torres epailearengana eta berak zer erantzun zain omen zeuden.

 

Iturria: berria.eus

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa