uriola.eus

Jaien balorazioa egiteko unea Solokoetxen eta Arabellan

  Jaiak
Jaien balorazioa egiteko unea Solokoetxen eta Arabellan

Joan den asteburuan auzoko jaiak ospatu dituzte bai Solokoetxen bai Arabellan. Bero-berotan bi auzoetako jai batzordeek balorazioa helarazi digute. Oro har, pozik daude auzotarren parte-hartzearekin.

Solokoetxeko jaiak: "Jende gehiago gauez zein egunez"

Amaitu dira asteburuan (12,13 eta 14) egin ditugun jaiak, auzotarrek izan dute gozatzeko eta ondo pasatzeko aukera. Gainera, iaz ez bezala eguraldiak lagundu digu. Jende gehiago etorri da gaueko konzertuetara, eta egunez auzotar gehiagok hartu du parte ekintza ezberdinetan; adibidez mozorroen desfilean, umeen molto motor karreran, herri bazkarian… Indarra hartzen ari zen mus txapelketa aurten pobretxo geratu da Bartzelona-Athletic partiduaren ordu berean zelako. Igandean bazkaria eta gero antolatuta zeuden jolasak bertan behera geratu ziren bota zuen ekaitzaren erruz.

Orain sei urte berreskuratu ziren jaiak jada sendotuta daude komertziante eta auzotarren artean, falta da jende gehiago inplikatzea jai batzordean, urte osoan egiten den lanaren zama eramangarriago izateko.

Arabellako jaiak: "Mus txapelketak bere intentsitate osoa mantendu du"

Di-da batean pasatu dira Arabelllako jaiak. Urtero legez, jende gehien bildu duena zapatuan egiten den paella txapelketa izan da. Aurreko urteetako irabazleek aurten hirugarren postuarekin konformatu behar izan dute. Beste aldetik, mus txapelketak bere intentsitate osoa mantendu du. 

 

[2014/09/12] Jaiak puri-purian Bilboko lau auzotan

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa