Iritsi zenetik Lezamako aparkalekuan egon da arkua. EFE agentziaren arabera, arkua Bilbao Athleticek eta Athleticeko neskek jokatu ohi duten zelaiaren atzealdean kokatuko dute, bankiloen atzean, Piru Gainza tribunaren aurrez aurre.
San Mameseko arkua Lezamako instalazioetan kokatzeko egingo diren lanak direla eta, Athletic Clubek jakinarazi du gaur, astelehenean, teknikariek, jokalariek, enplegatuek eta publikoak erabiltzen dituzten sarbideetan aldaketak egongo direla.
Zentzu honetan, arestian aipaturiko aldaketak direla eta, Athletic Clubek "egoera ulertzea eta ahal den neurrian laguntzea" eskatu du.