Aurreko bi parte-hartzeetan, ‘Livingstone’-k zorte okerragoa izan zuen. 2012an, 14 etapetatik zortzi egitea lortu zuen, eta 2013an, lehendabiziko etapan erretiratu behar izan zuen, arazo elektronikoak tarteko.
Bilboko Udalaren laguntzaz diharduen pilotu bilbotarrak, urtarrilaren 3tik 17ra bitartean Argentina, Bolivia eta Txilen zehar 9.000 kilometroko ibilbidea osatuko duen proba hau amaitzea finkatu du helburutzat. Oraingoan, ‘Livingstone’, Dakar Rallyan hirugarren aldiz bakarka parte hartuko duen Estatuko lehen pilotua eta munduko bakarretakoa bilakatuko da, eta horretarako, ahalik eta gehien prestatu du bere 4x4 ibilgailua, proba amaitzeko berme guztiak eskain diezaizkion, pilotu bilbotarrak adierazi duenez.