Gauerdiaz geroztik alerta laranja egoeran sartuko gara hotzagatik eta elurragatik, eta bihar eguerditik aurrera, elur-kota 200 metrora eta noizbehinka itsas-mailara jaits daiteke. Aurreikuspenen arabera, egoera bere horretan manten liteke asteburura arte, eta horren aurrean, errepidez joan-etorririk ez egitea gomendatu dau Udalak. Egin behar izanez gero, arreta handiz ibiltzea eta aldez aurretik bide-sarearen egoerari buruzko informazioa biltzea gomendatzen du.
Prebentzio-neurri gisa, garbiketa-taldeek gatza botako dute udal beharginek kalterik handien sor daitekeen hiri-guneetan. Talde horien lehentasunetariko bat da hiriko bide nagusiak eta zubiak erabiltzeko moduan izatea.
Halaber, merkatuetara, ikastetxeetara, garraio-zerbitzuetara (Termibus, autobus-geltokiak eta -geralekuak, metroa eta trena) eta osasun-zentroetara eta ospitaletara joateko sarrerak bermatuko dira. Arreta berezia izango dute ere Santa Marina Ospitalerako errepidearekin eta oinezkoen pasabideekin (Zubi Zuri eta Arrupe); gainera, espaloiak, eskailerak eta aireko pasabideak kontrolatuko dira.