Desobedientzia
Epaiketa data jarri dieten laugarren aldia da. Lehenik, Espainiako Auzitegi Nazionalera deitu zituzten, eta Donostiako Auzitegira 2013ko urrian. Azken auzi saio hori atzeratu egin zuten prozedura akatsengatik. Orduko hartan, epaiketara ez aurkeztea erabaki zuten Ariznabarreta, Azkona eta Ladronek, eta haiek bilatu eta atxilotzeko agindua eman zuen epaileak. Bizitza publikoa egiten jarraitu zuten, baina, prozedura akatsengatik saioa bertan behera geratu zenez, ez zituzten atzeman. Abenduan ere epaiketa desobeditzeko hautua egin zuten; ez zioten epaiketari eta horren "erabilera politikoari" zilegitasunik ematen, eta desobedientzia "egun auzitegietan dauden epai politiko guztiei erantzuteko tresna" gisa definitu zuten.
Mobilizazioak
Eibarren eta Gasteizen deitu dituzte gaur, martxoak 2, mobilizazioak.
Iturria: Topatu.eus