Urtero legez, eta bere izaerari eutsiz, egungo kirolari onenak ikusteko aukera eskainiko du gaubelak. Inor epel ez uzteko borrokaldiak izango dira. Egitarauaren baitan, K1 profesional maila oneneko 10 konbate (Mikel Sortino, Jonathan Dominguez, Gustavo Joao, Alex Rodriguez edota Andoni Iglesias bezalako izenekin) eta hiru boxeo borrokaldi.
Boxeo amateurrean (3x3) Jon Jader Obregon lehiatuko da. Dohain handikoa eta talde nazionaleko kidea. Aurrez aurre izango du, welter pisuan (69kg), Diego Uribe trebea.
Ordainpeko boxeoan, Ibon Larrinaga izango da ringera igotzen lehena. Getxoztar boxeolari burutsuak seigarren borrokaldiari egingo dio aurre, bere lorpenei (5-0-0) beste garaipen bat erantsi asmoz. Bide horretatik jarraituz gero, laster lehiatuko da maila nazionaleko titulua lortzeko. Franklin Varelarekin (21-28-0) borrokatuko da, lehia hitzartuan, super gallo pisuan, hiruna minutuko iraupena izango duten sei roundera.
Ikusmin gehien sortu duen borroka etxean jokatuko duen Andoni Gagoren (15-2-2) eta Venezuelako Lorenzo Parra (32-6-2) munduko txapeldun ohiaren artekoa da. Dueluak (8x3), luma pisuan (57,2kg), otxarkoagarraren kirol maila erakutsiko du. Gago atzerrian borrokaldia galtzetik dator eta beste borrokaldi bat baskulan (azkenengoz ezin izan zuen adostutako pisua izan). Azken gertaera horrek, zalantzarik gabe, baldintzatuko du sesioa. Aukera paregabea du Espainiako txapeldun lau aldiz izan denak eta Inter-Continental IBF txapeldun denak zaleei eta batik bat bere buruari erakusteko oraindik ere baduen boxeorako maila eta boxeorako bihotza, euskal boxeoko legenda izateraino.
18:00etan zabalduko dituzte frontoiko ateak, 20:00etan hasteko. Ekintzaz, kirolez eta ikuskizunez beteriko gauaz gozatzeko aukera ederra izango da.
_content.jpg)
K1 SLAM 2K17 - Fight Card osoa
1- Luigi Arana vs Jalid Azariouh 57kg K1 pro
2- Unai Caro vs Alex Rodriguez 64kg K1 pro
3- Kevin del Rio vs Shamo Eyvazov 67kg K1 pro
4- Rockwell Galvan vs Alberto Tapia 91kg K1 pro
5- Mikel Sortino vs Razmik Ghulinyan 65kg K1 pro
6- Fernando Gandarias vs Jairo Diaz 70kg K1 pro
7- Jon Jader Obregon vs Diego Uribe 69kg Boxeo olinpiarra
8- Ibon Larrinaga vs Franklin Varela 6x3 57kg Boxeo pro
9- Gustavo Joao vs Tito Macias 61kg K1 pro
10- Cristian Torres vs Yassin Chauoki 78kg K1 pro
11- Andoni Iglesias vs Sergio Cabezas 64kg K1 pro
12- Andoni Gago vs Lorenzo Parra 8x3 59kg Boxeo pro
13- Jonathan Dominguez vs Imanol Rodriguez 80kg K1 pro