Aurtengo Errigoraren udaberriko kanpaina bi fasetan banatuko da. Gaurtik eta martxoaren 14ra arte produktuak eskatzeko epea zabalik egongo da, bai online bidez zein eskuorrien bitartez. Olioa martxoa amaiera edo apirila hasieran jasoko dute erosleek, eta kontserbak ekaina hasieran helduko dira. Ordainketak produktuak eskuratzean egingo dituzte kontsumitzaileek. Lortutako etekinekin Nafarroa hegoaldeko nekazaritza ekoizpena eta euskara bultzatu nahi dituzte.
Nekazari, kontsumitzaile, herritar eta hiritarren arteko harremanak sustatzeaz batera, laborantza eredu jasangarriago baten aldeko apustua egin dute aurten Errigorako kideek, "lerro ekologiko oso bat" eskainiz.