Juan Mari Aburto Bilboko alkateak gaur Bilboko VIII. banderaren aurkezpenean jakitera eman du Bilboko itsasadarreko uraren kalitatea Udalak aztertuko duela. Uriko itsasadarraren inguruan hasi den irudi txarrari eta piztu den "alarma egoera" bertan behera uzteko eskatu du. Gainera, Udalaren eskumena ez izan arren, uraren kalitatea jakiteko oinarrizko analitikak egitea eskatuko duela informatu du. Azterketak udaletxe aurreko pantalanetik Itsas Museoaren kaiaraino egingo dituzte, igeriketako probak egiteko zeharkaldia egokia den ala ez argitze aldera.