Kataluniarren "abagune historikoa" babesteko bi hitzordu asteburuan

uriola.eus 2017ko ira. 8a, 08:30
Argazkia: goierri.hitza.eus

Larunbatean Kataluniarekin diadan eta erreferendumean lelopean elkarretaratzea deitu dute Assemblea Nacional Catalana d'Euskal Herria platafromako lagunek Arrriaga plazan. Igandean, berriz, Indautxun izango da elkartasun ekitaldia.

Irailaren 11n da diada, Kataluniako Egun Nazionala. Assemblea Nacional Catalana (ANC) d'Euskal Herria plataformak elkarretaratzeak deitu ditu hego Euskal Herriko hiriburuetan larunbatean, irailak 9, Kataluniarekin diadan eta erreferendumean lelopean. Eguerdian dira lau deialdiak. Bilbon, Arriaga plazan egingo dute elkarretaratzea. 

Elkarretaratzea: 'Kataluniarekin diadan eta erreferendumean'

 
Indautxun, igandean 
Igandean, hilak 10, Indautxuko Gure Esku Dago lantaldeak, "Kataluniarekiko elkartasuna Euskal Herritarren gehiengo batek desio duela sinisten dugulako", San Mamesen egongo den futbol partidua baliatuko du (Athletic Club - Girona, San Mames, 16:15ean), Euskal Herriko Assemblea Nacional de Catalunyaren bitartekaritzarekin, urriaren 1an "Kataluniako herritarren borondate demokratikoaren adierazpena izango den erreferendumari babesa emateko". 

13:00etan, Indautxuko Plazan hasiko dena ekitaldi "txikia" izango dela aurreratu dute. Auzoko lagunek, futbol partidua aprobetxatuz, Gironako zaleak gonbidatu dituzte ekitaldian parte hartzera. Bi taldeetako zaleek argazkia egin eta San Mameseraino ibilbidea elkarrekin egingo dute.  

Politika