Amnistiaren aldeko eta Errepresioaren aurkako Mugimenduak Alde Hemendik manifestazioa antolatu du Urriaren 12a dela eta. Egun horretan, Hispanitatearen eguna ospatzen da, eta, horrez gain, Indar Armatuen eguna da. "Euskal Herrian hori ospatzeko arrazoirik ez dagoela" adierazi dute, eta Plaza Eliptikoan manifestatuko dira, Gobernu Zentralaren azpiordezkaritzaren aurrean.
Hori aldarrikatzeko manifestazioa antolatu dute egun horretan, 12:00etan Plaza Eliptikoan. Ordu erdi geroago, toki berean, beste deialdi bat antolatu da. Kasu honetan, Kataluniako prozesuari babesa emateko.
Bertan, egun hauetan Katalunian egiten ari den independeitzia prozesuari babesa eman nahi diote. Horrez gain, kataluniarrek jasan duten indarkeria salatu nahi dute Gobernu Zentralaren azpiordetzaren aurrean. Deialdiak ez dauka firmarik, herritarrek bultzatutako deialdia da eta gero eta zenbat jende gehiago parte har dezala dute helburu.
