uriola.eus

Bizkaiko etxeko langileen elkarretaratzea

  Ekonomia-Lana  Bilbo

Bizkaiko etxeko langileek EAEk Gran Vian duen egoitzaren aurrean elkarretaratzea egin dute beraien lan-egoera salatzeko.

Bizkaiko etxeko langileen elkarretaratzea
Etxeko langileen elkarretaratzea | Ikusi handiago | Argazki originala

2017ko otsailaren 2an, Euskal Legebiltzarrak 9 hilabeteko epea eman zion EAEko Gobernuari etxeko langileen lan-egoerari buruzko eta estaltzen ari diren beharrei buruzko ikerketa egiteko. 

Izan ere, gainontzeko langileek ez bezala, etxeko langileek ezin dituzte kontziliaziorako Enplegu Sailaren dirulaguntzak jaso; hori dela eta, maiatzaren 11n Legebiltzarrak ebatzi zuen etxeko langileei dirulaguntza horiek emateko bideragarritasuna aztertu behar zela. Epea pasa da eta beraien egoera berdin jarraitzen du.

Horregatik, gaur goizean elkarretaratzea egin dute EAEk Bilbon duen egoitzaren aurrean beraien egoera salatzeko. Bozeramaileak esan duenez, beraien lana oso prekarioa izaten jarraitzen du eta horrez gain, administrazioak diskriminatzen dituela adierazi du.

 

Argazkiak: Ecuador Etxea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa