Gabon Zahar gauean ohikoa denez, Bilbobusen azken zerbitzuak 20:00etatik 20:30era bitartean abiatuko dira hasierako geltokietatik. Urtarrilaren 1ean, berriz, 01:00etan hasi eta 08:30era bitartean, gautxoriek emango dute zerbitzua. Eguneko lehen zerbitzuak 09:00etatik aurrera hasiko dira.
Ibilbideak, ordutegiak eta bestelako gorabeherak, hau da, Bilbobusekin eta Gautxori zerbitzuarekin lotutako informazio erabilgarri guztia web-orri honetan kontsultatu daiteke: www.bilbao.eus/bilbobus. Horrez gain, twitter eta Facebook sare sozialetan ere, erabiltzaileek informazioa eguneko 24 orduetan kontsultatu dezakete.
Artxandako Funikularraren ordutegia hau izango da: hilaren 31n, 07:15etik 21:00etara eta biharamunean, urtarrilaren 1ean, 09:15etik 14:30era eta 16:30etik 22:00etara bitartean egongo da martxan.
Azkenik, Bilbon Bizi bizikleten mailegu-zerbitzuaren ordutegia hau izango da: abenduaren 31n, 06:00etatik 21:00etara bitartean eta urtarrilaren 1ean, 09:00etatik 22:30era.