uriola.eus

Bilboko kaleak larunbatean betetzeko deialdia egin dute

  Politika  Bilbo

Sare Herritarrak biharko antolatu dituen ekintzetan parte hartzeko deialdia egin dute hainbat euskal eragileek. Bilbon jendetza bilduko da eta arratsaldeko 17:30ean La Casillatik abiatuko den manifestazioa izango da egun horretako ekintzarik garrantzitsuena.

Honako hau da Sare Herritarrak biharko antolatu duen egitaraua:

11:00etan lehen deklarazioak La Bolsan.

11:30ean mahai ingurua izango da, La Bolsan: “gizarte zibilaren parte hartzea gatazka ezberdinen konponbidean”. Moderatzailea: Pili Kaltzada. Parte hartzaileak:

  • David Fernandez. Catalunya.
  • Mario H.Calixto. Colombia
  • Anaiz Funosa. Bakebidea
  • Joseba Azkarraga. SARE

Goizetik bestalde, Areatzako gunetik abiatu eta Bilboko alde zaharreko kaleetan zehar, txistulariak, trikitilariak, batukada eta Bilbo Kantari. Uneoro Areatzan jateko eta edateko aukera emango dute.

12:30.- Areatzako gunean, Porrotxen ikuskizuna egongo da. Umeentzako ikuskizuna izango da, eta emanaldiaren hasiera kartzelan dauden Xua, Haitz eta Izar txikientzako argazki herrikoi bat ateratzeko baliatuko dugu.

13:30.- Areatzan ere, Bertso saioa: Oihana Bartra; Miren Amuriza; Beñat Gaztelumendi eta Amets Arzallus bertsolariekin.

15:00.- Kepa Junkera eta Sorginak.

16:30.- La Casillarantz abiatuko dira, 17:30ean hasiera emango baitzaio manifestazioari. Eta amaitu bezain laster, Areatzan berriro ere bi kontzertuz gozatzeko aukera izango da: “Anita Parker” eta Tximeleta.

17:30.- Manifestazioa. La Casillatik hasita, ohiko ibilbidea egin ondoren Bilboko Udaletxean amaituko da.

19:45.- Kontzertuak Karpan. Anita Parker eta Tximeleta

Antolakuntzan 600 bolondres baino gehiago arituko dira. Aurreko urteetan bezala, diru laguntza biltzen petodun bolondresak egongo dira; petoak horiak eta SAREren logoa daramatenak izango dira, eta eramango dituzten poltsak beltzak, izendatuak, eta logo berbera dutenak izango dira. Jasotako diru laguntza mobilizazio honen gastuei aurre egiteko erabiliko dute.

[2018-01-11] SAREren Bilboko manifestazioan parte hartzeko deia egin die LABek euskal langileei

[2018-01-10] Sarek larunbateko ekintzen egitaraua aurkeztu du

[2018-01-03] Gurasoak espetxean duten seme-alabek, urtarrilaren 13ko manifestazioarekin bat egin dute

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa