uriola.eus

Diskurtso faxista "arriskutsuei" aurre egiteko deia zabaldu dute

  Politika  Bilbo

Kezka sortu du nonahi, baita Bilbon ere, arraza beltzeko hainbat pertsonaren aurka Italiako Macareta hirian Lega Nord alderdiko kide batek eginiko erasoak. SOS Racismo Bizkaiak eta Sare Antifaxista elkarteak elkarretaratzea deitu dute gaur Italiako Kontsulatuaren aurrean.  

Diskurtso faxista "arriskutsuei" aurre egiteko deia zabaldu dute
Eraso gunea, Italiako Macareta hirian - Arg. Sare Antifaxista | Ikusi handiago | Argazki originala

Eraso "oso larritzat" jotzen du SOS Racismo Bizkaiko Omar Boudaaoui kideak Macareta hirian joan den larunbatean, otsailak 3, gertatutakoa. "Ez da oharkabean pasatzen den eraso faxista, ezohiko eraso arrazista izan da". Kalean, tiroz, sei gazte beltz zauritu zituen Lega Nord alderdiko kide batek. "Zerbait berria da", eta "pauso bat haratago doa" erasoen eskalan. Horrek sutzen du Omar, batez ere, "ideologia faxista duen talde antolatu batetik egindakoa" baita. 

Kezka sortu duen gertakaria "kalean publikoki" salatzea beharrezkoa da Bizkaiko SOS Racismo elkartearen iritziz, Italian gertatua "hemen ere gerta daitekeelako". Izan ere, "diskurtso faxistei gizartean hazten onartzeak horrelako egoerara garamatza, eta zilegitasuna ematen die faxistei". Ildo horretan, Europa osoan zabaltzen ari diren diskurtso "arriskutsuei" aurre egitera dei egin du elkarteak.

Gaur 19:00etan SOS Racismo eta Sare Antifaxistako kideak Italiako Kontsulatuak Bilbon duen egoitzaren aurrean –Ercilla 14– kontzentratuko dira Il fascismo e terrorismo lelopean. 

 

Erasoa

Joan den larunbatean, Macareta hiriko hainbat lekutan arraza beltzeko pertsonen aurka tiro egin zuen bere kotxetik Luca Traini izeneko gazteak, "gora Italia" oihukatzen zuen bitartean. Sei pertsona zauritu zituen. Horietako bat egoera larrian eraman zuten ospitalera. Bigarren Mundu Gerrako hildakoak omentzen dituen monumentuaren ondoan, agur faxista eginez ari zela, atxilotu zuten.

Traini Lega Nord alderdi arrazista eta xenofoboko hautagai izan zen 2017ko udal hauteskundeetan. 

 

 

2018/02/07 19:00

Italiako Kontsulatua Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa