Iaz Latinoamerikako hainbat hiriburutan antolatu zen grebari eta Euskal Herrian modu apalean burutu zen plantoari jarraipena ematea du aurten erronka mugimendu feministak. Lau arlo nagusi izango ditu Martxoaren 8ko grebak: lan greba, zaintza greba, ikasle greba eta kontsumo greba.
Euskal Herriko mugimendu feministatik zabaldu duten mezua argia da: "Guztiok gelditzen bagara, sistema geratuko dugu".
Egunaren nondik norakoak zehazteko asanbladak antolatu dituzte hainbat hiritan. Bilbon, larunbatean greba antolatzeko asanblada egingo dute 10:30ean Pelota kaleko La Bolsa eraikinean. Bilera irekia izango da. Zentzu horretan, Bilboko emakumeak parte hartzera eta ekarpenak egitera animatu dituzte mugimendu feministako kideek.
[2018-02-07] Euskal Herriko gehiengo sindikalak ere bat egin du martxoaren 8ko emakume grebarekin
[2018-02-02] Euskal Herriko Mugimendu Feministak martxoaren 8an greba egitera deitu du
