uriola.eus

Bilbao Kirolaken polikiroldegietako fitness aretoak doan erabili ahal izango dira larunbat goizean

  Kirolak  Bilbo

Jarduera Fisikoaren Munduko Eguna dela-eta, 10:00etatik 14:00etara bazkide direnak zein ez sartu ahal izango dira geletara; ez da beharrezkoa aldez aurretik izena ematea.

Apirilaren 6an, larunbat honetan, Jarduera Fisikoaren Munduko Eguna ospatzen da. Ondorioz, Bilbao Kirolak sareko 10 polikiroldegietako fitness gelen ateak zabalduko dituzte bazkide direnentzako baita ez direnentzako ere, instalazioak doan erabili ahal izan ditzaten goizeko 10:00etatik 14:00etaraino. Parte hartzeko ez da beharrezkoa izango aldez aurretik izena ematea. Fitness areto guztietan ariketetan aholkua eta dinamizazioa eskainiko dituzten pertsonak egongo dira.

Bestalde, gaurtik hasita apirilaren 6ra arte, Bilboko Udalaren sare sozialetan ohitura osasuntsuak argitaratuko dira. Eskailerak igotzea edo lanera oinez joatea dira, besteak beste, helaraziko diren gomendioak. Ekimenek, oro har, bilbotarren artean jarduera fisikoa sustatzea dute helburu, "beraien ongizatea eta osasuna hobetzeko", Udalaren arabera.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa