uriola.eus

Euripean baina irrifartsu, gogotik egin dute festa bilbotarrek gaur ere

  Jaiak  Bilbo

Eguraldi kaskarrak ezin izan du Marijaia geldiarazi eta Bilboko jaietako lehen igandeaz gozatu ahal izan dute txosnagunera gerturatu diren guztiek.

Euria ez da izan eguneko ustekabe bakarra, izan ere, goizean egitekoa zen goitibeheren jaitsiera bertan behera utzi behar izan da lastoa eraman behar zuen kamioiak istripua izan eta gero. Hala ere, goiz osoan zehar hamaika ekintzataz gozatzeko aukera egon da.

Arratsaldean euria egin du gogotik eta hainbat jarduera moldatu egin behar izan dituzte, baina egitarauari eustea lortu dute Bilboko Konpartsek. Oztopoak oztopo, jaiak ez du etenik izango datorren igandera arte, eta gauean hamaika kontzertu eta ikuskizun izango dira txosnagunean gozatzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa