uriola.eus

Asteartea, areatzako egun handia

  Jaiak  Bilbo

Aste Nagusiko patata tortillek areatza bete dute. Jaiaz gain, aldarrikapenek ere lekua izan dute gaurko egunean. Txori Barroten 'elkartasunari omenaldia' egin diote, igandean Ertzaintzak presoen irudiak kendu ostean. Jarraian areatzan elkarretaratzea egin dute egun hauetan izandako eraso sexistak salatzeko.

Astelehenean eman zioten hasiera Bilboko jaietako lehiaketa gastronomikoei eta gaur patata tortillaren txanda iritsi da. Urtero legez, ehunka lagun elkartu dira areatzan tortillak prestatu eta dastatzeko.

Horrez gain, umeentzako tailerrak, txarangak, mus eta xake txapelketak, bertsolariak eta kalejirak izan dira egun osoan zehar. Gainera, arratsaldean bi elkarretaratze egin dituzte. Lehena Txori Barrote konpartsan, igandean Ertzaintzak presoen irudiak kendu izana salatu eta adierazpen askatasuna aldarrikatzeko.

Bigarrena eraso sexisten aurkako kontzentrazioa izan da, areatzako zubian. Bilboko Konpartsek erasoen aurkako protokoloa aktibatu dute jaietan emakumeen aurkako hainbat eraso izan ostean. Mobilizazio jendetsua izan da eta ordezkari politikoek, Marijaiak, txupinerak eta pregoilariak ere parte hartu dute.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa