uriola.eus

Bi atxilotu Udaltzailgoa kale saltzaileen aurka oldartu eta gero

  Jendartea  Bilbo

Bart 23:15ak aldera Udaltzaingoa Arriaga inguruan zeuden kale saltzaileei materiala kentzera hurbildu zen. Bertan zeuden hainbat lagun saltzaileak babestera gerturatu ziren eta Udaltzaingoa haien aurka oldartu zen. Ertzaintza ere gerturatu zen eta gutxienez bi agun atxilotu zituen. 

Bi atxilotu Udaltzailgoa kale saltzaileen aurka oldartu eta gero
Argazkia: @ikersalgadoser1 | Ikusi handiago | Argazki originala

Atzo gaueko 23:00ak pasatuta, suak izan eta minutu batzuk geroago, Udaltzaingoa Arriaga inguruan zeuden kale saltzaileei materiala kentzen saiatu zen. Inguruan zegoen jendea hau ekiditen saiatu zen eta Udaltzainak haien aurka oldartu ziren borra luzagarriak erabiliz. Plaza Biribilean zeuden Ertzainak ere jaitsi ziren liskarra zegoen tokira eta gutxienez bi lagun atxilotu eta bat identifikatu zituen. 

Horietako bati polizia grabatzea egozten diote, 'mozal' legea aplikatuz, eta beste bati agintaritzaren aurkako atentatuaren delitua. Atxilotuetako bat adin txikikoa da eta aske utzi dute gaur goizean, besteak atxilo jarraitzen du epailearen aurrean deklaratzeko zain.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa