uriola.eus

Abian da Bilboko Pop Rock lehiaketarako finalerako sailkapena

  Kultura-aisialdia  Bilbo

Martxan da dagoeneko Bilboko Pop Rock lehiaketaren 31. edizioa. Finalerako sailkatzeko kontzertu guztiak Bilborocken ospatuko dira irailaren 12tik urriaren 4ra arte, gaueko 20:00etatik aurrera. Sarrera doakoa izango da aretoko leku guztiak bete arte.

 

Apirilean zabaldu zuten lehiaketan izena emateko epea, orain urriaren 17an 18an eta 19an ospatuko diren finaletarako taldeak aukeratzeko unea heldu da. 

Pop Rock, metal eta urban musika modalitateak nagusitzen diren lehiaketa honetan, Euskal Herriko, estatuko zein nazioarteko taldeek hartuko dute parte. Hiru hamarkada dira Bilbo Hiria Pop Rock Lehiaketa sortu zenetik. Honen helburu nagusia, sortu berri diren musika taldeak sustatzea da, baita musikari ez profesionalen sorkuntza ulertzeko baliabideak ematea.

Musika modalitatearen arabera banatuta egongo den epaimahaia Lorea Argarate, La Basu eta Nerea Alberdi artistek osatuko dute, baita Bikendi Cadelo Bilboko gazte kultur kudeatzaileak eta Iker Barbara musikazaleak besteak beste. 

Modalitate bakoitzean hiru sari emango dira, 4.000 euro irabazlearentzat, 2.000 euro bigarrenarentzat, eta 1.300 euro hirugarrenarentzat. Gainera, epaimahaiak 1.000 euro emango dizkio Bizkaiko talde edo bakarlaririk onenari.

Honako hauek dira Bilborocken egingo diren kontzertuak:

Irailaren 13an (metal)
– Blaze the trail
– Deriva
– Grave Noise
– Iont

Irailaren 19an (pop-rock)
– Gentleman Clef
– Lookmomnohand
– San Jerónimo
– Wicked Wizzard

Irailaren 20an (metal)
– Blind The Eye
– Deimocrazy
–  Last Dissonace
– The Broken Horizon

Irailaren 26ean (pop-rock)
– Indian Hawk
– Los Reyes Magos
– Mi Buenaventura
– Orbel

Irailaren 27an (urban)
– Colectivo Shumareli
– Nattonooto
– STR (Special Trap Residence)
– Tongo

Urriaren 3an (pop-rock)
– Beluga
– Nazca
– Pinpilinpussies
– Young Forest

Urriaren 4ean (urban)
– Adriana Terrén
– Jazzwoman
– Kenna
– Tesa

Honekin lotutako berri gehiago:

[2019-03-14] Apirilean irekiko dute Bilbao Hiria Pop-Rock lehiaketan izena emateko epea

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa