uriola.eus

Barruti kontseiluetan elkarteen ordezkariak hautatzeko prozesua martxan

  Udal gaiak  Bilbo

Herritarrak ordezkatuko dituzten elkarteetako 40 kideak hautatzeko hauteskunde-prozesua abian jarri zuen atzo Udalak. Hauteskundeak urriaren 17an egingo dira. 

Auzoen eguneroko bizitzan eragiten duten gaien inguruan, herritarrekin, elkarteekin eta udal agintariekin eztabaidatzea izango da kontseiluen helburu nagusia. Barruti bakoitzean 5 ordezkari hautatuko dira, besteak beste familia eta auzokide elkarteek, merkatariek edota kultura eta kirol arloko elkarteek proposatuta. 

Atzo zabaldu zuten hauteskunde erroldako zerrendak kontsultatzeko epea, horrela barrutiko 8 udaltegietako bakoitzean ikusgai egongo dira:

DEUSTU. Lehendakari Agirre etorbidea 42, 

URIBARRI. Iturriondo plaza 4 

OTXARKOAGA/TXURDINAGA. Txomin Garat 12 

BEGOÑA. Amateur zirkua 2 

IBAIONDO. Pilota 10 

ABANDO. Elkano 20 – 22 

ERREKALDE. Altube zeharkalea 6 

BASURTU-ZORROTZA. Zankoeta 1

 

Irailaren 23tik 27ra izango dute elkarteek hautagaitzak aurkezteko aukera. Proposamenak Aznar eraikinera eraman beharko dituzte, Bilboko Udaleko Herritarren Arretako eta Partaidetzako Sailera hain zuzen. 

Hauteskundeak berriz urriaren 17an egingo dira, arratsaldeko 18:30etatik 20:30etara, barruti bakoitzeko udaltegian. Azkenik emaitzak urriaren 22an argitaratuko dira eta hortaz, azaroaren 15a baino lehen kontseiluak eratuko dituzte. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa