uriola.eus

Laurogeita hamargarrenez irtengo dira astelehenean pentsionistak kalera

  Ekonomia-Lana  Bilbo

20 hilabete baino gehiago daramatzate pentsionistek pentsio eta bizitza duinen alde astero elkarretaratzeak egiten. Asteleheneko mobilizazioan, metalgintzako langileekin bat egingo dute Arriaga plazan. 

Laurogeita hamargarrenez irtengo dira astelehenean pentsionistak kalera
Argazkia: Ecuador Etxea | Ikusi handiago | Argazki originala

Urriaren 1a da Nazioarteko Pertsona Nagusien eguna. Pentsionistek prentsa ohar baten bitartez adierazi dutenez, aurten egun horren bezperan irtengo dira kalera, munduko pertsona nagusi askok bizi duten egoera salatzeko. Hauen arabera, gaur egun milioika pertsona nagusik pobrezia, isolamendua eta osasun zerbitzu eza pairatzen dituzte.

Pentsiodunen Mugimenduak manifestazio eta elkarretaratzeak egingo ditu Euskal Herriko hiriburuetako herri eta hiri askotan. Bizkaian, Sestaon, Durangon, Busturialdean eta Bilbon izango dira garrantzitsuenak.

Bilboko mobilizazioa Udaletxe aurrean hasiko da eta Euskadi Plazatik abiatuko den metalgintzako langileekin bat egingo du Arriaga plazan 12:30ean. Horrela "elkarri elkartasuna adierazi eta aldarrikapen amankomunen defentsa" egingo dute bi mugimenduek. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa