uriola.eus

Kristau Eskoletan hilabeteko greba abiatuko dute gaur

  Ekonomia-Lana  Bilbo

Atzo bildu ziren ELA, LAB, CCOO eta Steilas sindikatuak Kristau Eskola patronalarekin, baina akordio batera heldu gabe, abenduaren 5era arte grebari ekingo diote. Gaur, Jesusen Bihotza plazatik manifestazioa abiatuko dute, eguerdiko 12:00etan. 

Lan Harremanen Kontseiluan, aste honetan, egindako hiru bileretan ez dute lan hitzarmen berriaren inguruan adostasunik lortu, izan ere, Kristau Eskolaren arabera, ez dago baliabiderik sindikatuen eskaerak erantzun ahal izateko. Gaur bi aldeak berriz bilduko dira. 

Oraingo grebari dagokionez, Lan eta Justizia sailak jakitera eman du aurreko grebetako gutxieneko zerbitzua bikoiztu duela. Horrela, Haur eta Lehen hezkuntzako ikastetxeetan ehun ikasleko bi irakasle egongo dira, eta Derrigorrezko Bigarren Hezkuntzan, Batxilergoan zein Lanbide Heziketan, hiru irakasle ehun ikasleko. Sindikatuek azaldu duten arabera, azken bi ikasturteetan 27 greba egun egin dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa