uriola.eus

Bizkaiko metalak beste zortzi eguneko greba deitu du azaroan eta abenduan

  Ekonomia-Lana  Bilbo

Azaroaren 28 eta 29an eta abenduaren 4,5,12,13,18 eta 19an greba deitu dute berriz ELA, CCOO, LAB, UGT, ESK, CGT, USO eta CNT sindikatuek. Arratsaldean, 18:30ean, manifestazioa egingo dute Bilboko Euskadi plazatik. 

Agerraldia egin du Bizkaiko Metalak gaur FVEM patronalak Bilbon duen egoitzaren aurrean. Maiatzetik aldarrikatzen daramatzaten bezala, gaurkoan ere sektoreko hitzarmen duin bat exijitu dute. Joan den asteazkenean bildu zen berriz mahai negoziatzailea patronalarekin eta akordio batera heldu gabe 8 lanuzte iragarri dituzte datozen asteotan. 

Patronalari egindako eskaeren artean, besteak beste genero berdintasunaren alde egitea, subrogazio eskubidea bermatzea eta behin-behinekotasun tasa handiaren gaineko kontrola izatea aldarrikatzen dute. Gainera, joan den azaroaren 11n lan osasunaren inguruan proposamen ugari biltzen zituen dokumentua luzatu zioten patronalari. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa