uriola.eus

Abenduaren 24ko gauean lanik ez egiteko exijituko du Etxeko Langileen Elkarteak

  Ekonomia-Lana  Bilbo

Abenduaren 24ko gauean etxeko eta zaintza langileek lanik ez egiteko exijituko du ELE elkarteak abenduaren 22an goizeko 12:30ean. Moyua plazatik abiatuta, martxa egingo dute langileentzako eskubide berdintasuna aldarrikatuz. 

"Inork ez du lanik egiten 24ko gauean" lelopean, martxa bat egingo du Etxeko Langileen Elkarteak datorren igandean Moyua plazan goizeko 12:30ean. 

Igorritako oharrean adierazi dutenez, egun horretan garraioa arratsaldeko 20:00etan gelditu egiten da.  Hori gutxi balitz, denda eta taberna guztiek ere ateak ixten dituzte, "familia zein lagunekin afaltzera joan ahal izateko". Etxeko langileek hori egiteko aukerarik ez dutela salatu eta eskubide berdintasuna aldarrikatzera doaz. 

Gabonetako tematikarekin jarraituz, martxa egiteko data hauekin zerikusia duten mozorroak banatuko dituzte mobilizazio egun berean Pelota kaleko lokalean, goizeko 11:00etan. 

2019/12/22 12:30 - 15:00

Moyua | Abando - Indautxu

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa