uriola.eus

Presoen eskubideen eta konponbidearen alde 80.000 lagun elkartu dira Bilbon eta Baionan

  Politika  Bilbo

Sare Herritarrak eta Bakearen Artisauak deituta, Euskal preso, iheslari eta deportatuen aldeko manifestazioa abiatu zuten atzo milaka pertsonak Bilbon eta Baionan. 

Presoen eskubideen eta konponbidearen alde 80.000 lagun elkartu dira Bilbon eta Baionan
Irudiak: Sare Herritarra | Ikusi handiago | Argazki originala

"Atera bidera, orain presoak" lemapean, sareren zenbaketaren arabera, 80.000 pertsona irten ziren Bilboko kaleetara atzo gobernu berriari egungo espetxe-politikan aldaketak eskatuz. 

Baionako mobilizazioari lekukoa hartu eta arratsaldeko 17:00etan abiatu zen Bilboko martxa La Casillatik Udaletxera. Rosa Roderok, ETAren biktimak eta Axun Lasak, GALen biktimak, manifestazio amaierako manifestua irakurri zuten. Bertan, Euskal Herriak jasan dituen indarkerien bi biktima gisa aurkeztu eta "espetxeetako onuren kudeaketan diskriminaziorik ez izateko, presoak Euskal Herrira hurbiltzeko, gaixotasun larriak dituzten presoak eta adineko presoak askatzeko..." aldarrikatu zuten. 

Halaber, Kataluniaren egungo egoera gogora ekarri eta bertako preso politikoei maitasuna eta elkartasuna helarazi egin diete. 

Manifestazioa baino lehen emandako prentsaurrekoan, Arnaldo Otegik presoen eskubideak bermatzea eta espetxe politikaren aldaketa eskatzea "euskal gehiengo sozial, politiko eta herritarrak exijitzen duen demanda" dela azpimarratu du. 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa