uriola.eus

Eurocopa honi ez! kolektiboak manifestazio nazionala deitu du Bilbon

  Kirolak  Bilbo

Eurocopa 2020ko taldeen faseko 3 partida eta final zortzirenetako partida bat San Mamesen jokatuko dira datozen ekaina eta uztaila bitartean. Honen aurrean Eurocopa honi ez! plataformak jokatuko den futbol txapelketaren aurkako manifestazioa deitu du martxoaren 28an.  

Europako hainbat futbol zelaien artean Espainiako Futbol Federazioak Eurocopako 16. edizioa ospatzeko Bilboko San Mames futbol zelaia aukeratu du taldeen faseko 3 partida bertan jokatzeko. Egoera horren aurrean Eurocopa honi ez plataformak! ez Bilbon ez Euskal Herrian txapelketa hau ez dutela nahi irmoki adierazi dute. Izan ere, Euskal Selekzioari ofizialtasuna ukatzen zaion bitartean "gure zapaltzaile zuzenak diren Espainiako eta Frantziako Estatu burgesen selekzioek" Euskal Herrian jokatu ahalko dutelako. 

Martxoaren 28ko mobilizazioaz gain, martxoaren 14an "Etxean jokatzen dugulako" topaketa nazionala deitu dute Durangon. Egun horretako egitarauari dagokionez kirola eta politika gaiak barnebilduko dituen mahaingurua, bazkaria, kalejira eta Brigade Loco, Egurra ta Kitto eta Odolkiak ordainetan taldeen kontzertuak ere antolatu dituzte. 

2020/03/28 00:00

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa