uriola.eus

Poza kaleko Simply supermerkatuaren egoera salatu dute ELA, LAB eta ESK sindikatuek

  Ekonomia-Lana  Bilbo

Kontzentrazioa deitu dute bihar 12:30ean Bilboko Autonomia kaleko 53. zenbakian dagoen Simply supermerkatuaren aurrean  9 langileren enpleguaren alde. 

 

Bilboko Poza kaleko Simply supermerkatuko 9 langileak arriskuan daudela jakitera eman dute ELA, LAB eta ESK sindikatuek. Salatu dutenez, Auchan-Alcampok (Simplyk) abiatu duen operazioak alde batera utzi ditu denda honetako langileak "azalpenik eman gabe eta etorkizunik gabe utziz". 

Denbora igaro da Auchan Alcampok BMri 11 Simply denda saldu zizkionetik. Orain Bizkaian gelditzen diren 11 dendetatik 10 Eroskiri saltzeko operazioa abian jarri du, Bilboko Poza kaleko denda behin betiko itxiz.

Kexu dira bertako langileak, adierazi dutenez, urteak daramatzate murrizketak pairatzen eta denda ixteko mehatxuak jasotzen. "Mobilizazioa beste irtenbiderik ez digute uzten, azalpenak eta ukatzen ari zaizkigun etorkizuna eskatzeko."

Mobilizazioa maiatzaren 29an, bihar, egingo dute, goizeko 12:30ean Autonomia kaleko 53. zenbakian dagoen Simply supermerkatuaren aurrean. 

Erantzunak

Erantzuna | #1

Kaixo,

Zuzenketa txiki bat ordutegian. Mobilizazioa 12tan dela esan didate sindikatu deitzaileek

Eskerrik asko

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa