uriola.eus

EAEko ikastetxeetako jantokiak grebara

  Ekonomia-Lana  Bilbo

Jangeletako zerbitzu duin baten alde ELA, LAB, CCOO eta UGT sindikatuek hiru eguneko greba hasiko dute gaur. Hego Euskal Herriko hiriburuetan elkarretaratzeak deitu dituzte eta, Bilboko mobilizazioa goizeko 11:30ean abiatuko da Moyua plazatik Eusko Jaurlaritzaren egoitzaraino. 

Ikastetxe publiko, pribatu zein itunpekoetako jantokietako azpikontratetan, LAB, ELA, CCOO edota UGT sindikatuen ordezaritza dutenetan alegia, hiru eguneko grebari hasiera emango diote gaur, Bilbon, Gasteizen zein Donostian deitu diren manifestazioekin. Beste bi deialdiak urriaren 27an eta 29an egingo dituzte. 

Sindikatuen arabera, maiatzean "eskola jantokien itzulera segurua aztertu eta negoziatzeko xedez" bilera bat egitea eskatu zioten Hezkuntza Sailari. Baina gaur egun arte erabaki guztiak "alde bakarrez" hartu dituztela argitu dute. 

Bilera bat egin baino, hauek dira sindikatuek eskoletako jangeletako azpikontratetan aldarrikatzen dituztenak: segurtasunaren bermea, enpleguari eta lan-baldintzei eustea, ratioak jaistea eta lan-kargak ez-handitzea, zerbitzu seguruak eta kalitatezkoak eskaintzea.

2020/10/21 11:30

Moyua plaza Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa