uriola.eus

Mahou-San Miguel enpresako langile bat autonomo faltsua den edo ez epaituko dute bihar Bilbon

  Ekonomia-Lana  Bilbo

Mahou-San Miguel enpresarentzat lan egiten zuen langilea autonomo faltsua den edo ez epaituko dute bihar Bilboko epaitegietan. Goizeko 10:00etan kontzentrazioa deitu du Eraginek Barroeta Aldamar kaleko 10. zenbakian, langileari babesa adierazteko.

Covid-19ak langile klasearen prekarizazioa gehiagotu duela salatu du Eraginek, Bilboko Gazte Prekarizatuen Asanbladak: "kontratu partzialak, miseriazko soldatak, lan-ezegonkortasuna, lan-osasunerako arriskua..." autonomo faltsuek pairatzen duten errealitatea dela adierazi dute asanbladako kideek. 

Izan ere, langileen gaineko ardurarik ez izateko tresna bihurtu da enpresentzat langileak externalizatzea eta horrek langileen prekarietatea areagotu egiten duela argi utzi nahi izan du Eraginek, baita Mahou-San Miguel enpresak kontratatutako langileak ere.

Enpresaren eta langilearen artean lan harremanik egon den epaituko dute bihar, Bilboko epaitegietan, enpresak epaiketa bera hirutan atzeratu ondoren. Epaiak autonomo faltsu bezala lanean aritu dela baldin badio, Mahou-San Miguelek urratutako hainbat eskubide aitortu beharko dizkio langileari.

Honi elkartasuna adierazteko eta egoera berean dauden langileei babesa adierazteko elkarretaratzea deitu du Eraginek, goizeko 10:00etan. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa