uriola.eus

Basurtuko Ospitaleko erizainen lan baldintzak urratuak izan direla onartu du Lan Ikuskaritzak

  Ekonomia-Lana  Bilbo

LAB sindikatuak abenduan salatutakoaren arabera, erreten-zerbitzuari atxikita dauden erizaintzako langileek, lan karteldegien etengabeko aldaketa, karteldegi horien gabezia eta atsedenerako eskubidearen urraketak pairatu dituzte. Hori dela eta, salaketa aurkeztu zuten Lan Ikuskaritzan eta arrazoia eman diote sindikatuari.

ESIko zuzendaritzaren aurrean 155 erizainek bizi izan duten egoera "jasangaitza" dela salatu dute behin baino gehiagotan. Hala ere, egindako mobilizazioek zein salaketek ez dute erantzunik jaso. Orain, salaketa jarri ostean langileen lan baldintzak urratuak izan direla onartu du Lan Ikuskaritzak.

Horiek horrela, karteldegien bi hilean behingo izaera errespetatzera eta Erakundearen Lan Baldintzen Akordioan ezarritako atsedenaldiak errespetatzera behartzen du Basurtuko Zuzendaritza, besteak beste. Akordio horretan, gutxienez, 12 orduko atsedenaldia ezartzen da lanaldien artean. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa