uriola.eus

Kutxabankeko langileek greba egingo dute lan-hitzarmenaren alde

  Ekonomia-Lana  Bilbo

Greba deitu dute gaur arratsaldean ELA eta LAB sindikatuek eta 17:30ean kontzentrazioa egingo dute Kutxabanken egoitzaren aurrean (Don Diego López Haroko Kale Nagusia, 30) Negoziazioa eskatzen dute langileek, “lan-eskubideak murriztuko ez dituen hitzarmen duin bat adosteko ezinbesteko urrats gisa”.

 
 

Sindikatuek salatu dute aurreko hitzarmenaren indarraldia (2015-2019) amaitu zenetik, zuzendaritzaren estrategia hitzarmen proposamen bat egitea izan dela, eta onartzen ez badute, enpresak Aurrezkiaren Estatuko Hitzarmena aplikatzea behartzearekin mehatxatu dituela.

ELAren arabera, “estatuko sektoreko hitzarmen bat aplikatzeak esan nahiko luke galdu egingo litzatekeela enpresan tradizioz itundutako lan-baldintzen esparru bat, euskal langileek inolako parte-hartzerik izango ez duten negoziazioetatik abiatutako arauak aplikatzeko”.

Hori dela eta, langileek greba egitea erabaki dute gaur eta elkartaratzea deitu dute arratsaldeko 17:30ean Kutxabanken egoitzan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa