uriola.eus

Bilbon Covid ziurtagiria eskatu beharko da oraingo datuen arabera

  Jendartea  Bilbo

Jaurlaritzak EAEko Justizia Auzitegi Nagusiaren  erabakiari jarritako helegitea onartu du Espainiako Auzitegi Gorenak, eta 150 kasutik gorako intzidentzia metatua duten udalerrietan aplikatuko da. Gaur gaurkoz, egoera horretan dago Bizkaiko hiriburua.

Azken hamalau egunetan 100.000 biztanleko 150 kasu baino gehiagoko intzidentzia metatua izatea izango da udalerrietan Covid ziurtagiria deritzona eskatzeko aplikatuko duten irizpidea. Bada, gaur gaurkoz 194,8 da Bilboko tasa. Dena den, Eusko Jaurlaritzak gaur bertan iragarri duen osasun larrialdi egoera abian jartzen denetik aurrera aplikatuko dute neurria, eta oraindik ez dute zehaztu noiz izango den hori.

Dantzalekuetan, musika ikuskizunak eskaintzen dituzten aretoetan, musika tabernetan eta karaokeetan eskatuko dute ziurtagiria, eta gaueko aisialdiarekin lotutako zenbait lokaletan ere bai, 22:00etatik aurrera.

Txertoaren pauta osoa hartu izana edo azken hilabeteetan birusa pasa izana frogatzen duen agiria paperean edo pantailan erakutsi ahal izango da, eta lokal horietarako sarbidea kontrolatzeaz arduratzen direnek QR kode bidez egiaztatuko dute balioduna ote den.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa