Elkarte interesdunek eskabideak aurkeztu ahalko dituzte otsailaren 18ra arte, www.bilbao.eus webgunean dagoen inprimakiaren bidez edo Herritarren Arretarako Bulegoetako Erregistroan (aurretiazko hitzordua eskatuta).
Izapidetzea errazteko, eskatzaileek tutoretza-gida interaktibo bat dute eskura udal webgunean, pdf formatuan; eta, gainera, zalantzarik izanez gero, telefonoz egin ditzakete kontsultak, 944.010.010 / 010 zenbakian, 08:00etatik 20: 00etara, astelehenetik igandera.
Dirulaguntzak xehakatuta
2022ko deialdirako, guztira, 3.146.676 euro bideratu ditu Bilboko Udalak dirulaguntzetara, 11 esparrutan eta 24 jardute-ildotan banatuta:
GARAPENERAKO LANKIDETZA ETA GIZA ESKUBIDEAK
Eremu horrek 2.250.376 euro ditu, 6 lerrotan banatuta:
- Garapenerako nazioarteko urteko lankidetza. Helburu nagusi gisa gastu arrunta duten proiektuetarako programak: 655.000 euro
- Garapenerako nazioarteko urteko lankidetza. Helburu nagusi gisa inbertsioa duten proiektuetarako programak: 600.000 euro
- Garapenerako nazioarteko urte anitzeko lankidetza. Helburu nagusi gisa gastu arrunta duten proiektuetarako programak: 335.376 euro
- Garapenerako nazioarteko urte anitzeko lankidetza. Helburu nagusi gisa inbertsioa duten proiektuetarako programak: 450.000 euro
- Sentsibilizaziorako, gizarte-eraldaketarako hezkuntzarako, eta giza eskubideetarako urteko programak: 130.000 euro
- Sentsibilizaziorako, gizarte-eraldaketarako hezkuntzarako, eta giza eskubideetarako bi urteko programak: 80.000 euro.
KULTURA
Guztira, dirulaguntza 129.200 eurokoa izango da, eta kultura-jarduerak sustatzen lagunduko du.
HEZKUNTZA
243.300 euro banatu dira, bi lerrotan:
- Hezkuntza laguntzeko programak: 163.300 euro.
- Eskola-igeriketa laguntzeko programak: 80.000 euro.
EUSKARA
Euskararen erabilera sustatzeko dirulaguntzak 160.000 eurokoak dira, lerro hauetan bietan banatuta:
- Eskola-programak laguntzea: 30.000 euro.
- Euskararen erabilera sustatzea: 130.000 euro.
JAIAK
48.000 euro, Bilboko auzoetako jaietan inbertituko direnak.
IMMIGRAZIOA
35.000 euro, jardute-ildo hauetan bietan banatuta:
- Etorkinen elkarteen funtzionamendua: 15.000 euro
- Kulturartekotasuna eta gizarte-kohesioa sustatzeko programak: 20.000 euro
GAZTERIA
Dirulaguntza, guztira, 50.000 eurokoa izango da, xede hauetarako:
- Haurrentzako, nerabeentzako eta gazteentzako programa eta jardueretarako laguntza. 30.000 euro.
- Gazte boluntarioentzako laguntza: 20.000 euro
INGURUMENA
Arlo horretako dirulaguntza 50.000 eurokoa da, honela banatuta:
- Jasangarritasuna, mugikortasuna eta klima-aldaketa: 20.000 euro.
- Auzoko bihotzak direlakoak hobetzea ingurumenaren eta gizartearen aldetik, 2030 Eskola Agendaren bidez: 30.000 euro.
BERDINTASUNA ETA GENERO-INDARKERIAREKIN AMAITZEA
79.000 euro bideratuko dira ildo horretara, honela banatuta:
- Elkartegintza ahalduntzea: 20.000 euro.
- Kontziliazioa eta erantzukidetasuna sustatzeko ekimenak: 17.000 euro.
- Genero-indarkeria prebenitzeko ekimenak: 27.000 euro.
- Sexu- eta genero-aniztasunaz sentsibilizatzeko eta LGTBIQ+ pertsonen kontrako indarkeria prebenitzeko ekimenak: 15.000 euro.
PARTAIDETZA ETA BARRUTIAK
20.800 euro, herritarren parte-hartzea sustatzeko eta Udal Erregistroan izena emanda dauden auzo-elkarteen garapena bultzatzeko.
OSASUNA ETA KONTSUMOA
81.000 euro, osasuna sustatzeko programak laguntzeko.