59 film hautatu dira Mendi Film jaialdiaren 15. ediziorako

Mendiko, abenturako, muturreko kiroletako eta naturako filmen nazioarteko erreferente bihurtuko da Bilbo 15. aldiz abenduaren 9tik 18ra. Edizio berri honetarako aurkeztu diren 190 filmetatik 59 hautatu dira. 14 herrialde daude guztira ordezkatuta. Estatu Batuek izango dute ordezkaritza handiena 12 filmekin eta Euskal Herrian ekoitzitako edo zuzendari euskaldunak dituzten 10 proiektatuko dira. 

Ordezkapena izango duten beste herrialdeak hurrengoak izango dira: Frantzia (7), Alemania (3), Erresuma Batua (3), Kanada (3), Argentina (2), Australia (2), Polonia (2), Austria (1), Herbehereak (1), Italia (1), Norvegia (1). 

Bi urteren ostean ez da egongo aforo mugarik eta egitarau osoa azaro erdian argitaratuko da. Sala BBK-n, Euskalduna Jauregian eta Azkuna Zentroko Golem zinemetan eskainiko dira eta sarrerak erosi daitezke jada.

Filmak hautatu dituzten epaileak izan dira Lisa Stoize marketing aditua eta Red Bull Media House ekoiztetxeko kide izana; Laura Zumiani italiarra, Trento Film Festival-eko programatzailea eta Italiako zinema jaialdien elkargoko zuzendaritzako kidea; Iratxe Fresneda euskalduna, zinemagilea, gidoilaria eta EHU-UPV-ko irakaslea ikus-entzunezko gaietan; Josué Vergara valentziarra, musikari eta soinu banden konpositorea da, besteak beste Seb Montaz zinemagilearekin jarduten duena; Albert Pascual kataluniarra, zinemagilea eta argazki zuzendaria, besteak beste ‘La Cima’ filmean, eta irakaslea ESCAC Kataluniako zinema eskolan.

Hauek izan dira hautatutako filmak: