Giza prozesuek, hala nola hirigintzak edo azpiegituren eraikuntzak, ekosistema hondatzen lagundu dute. "Tximeletak bezalako polinizatzaileak zaintzea ezinbestekoa da gure hiri-ekosistemen orekarako, gure inguruko landareen biodibertsitateari eta osasunari laguntzen baitiote", adierazi du Javier Garaizar Bizkaiko Gurutze Gorriko boluntario eta ingurumen-arloko zuzendariak.
Tximeleten Oasiak Sarriko auzoko Salestarren Lorategietan, Abusuko Ibaieder parkean eta Iralako Eskurtze parkean egongo dira. Gune eguzkitsuetan eta haizetik babestuta egongo dira, tximeleten ugalketa eta babesa errazten duten baldintzetan, hain zuzen ere. Horietan, Bilboko klima ondo jasaten duten eta tximeleta helduak erakartzen dituzten eta beldarren elikagai diren espezie autoktonoak landatuko dira, erromeroa, ezkaia, erruda edo mihilua, besteak beste.
Gune horien mantentze-lana Gurutze Gorriaren ardura izango da, bere boluntarioen bitartez. Boluntarioek landareen hazkundea gainbegiratuko dute eta izan daitezkeen izurriteak kontrolatuko dituzte. Oasien inguruan instalatutako egurrezko hesiek landareak babestuko dituzte eta haien garapena kaltetu dezaketen kanpoko faktoreen eragina saihestuko dute.