EXODUS opera egondo da martxoaren 5ean 19:30ean Arriaga Antzokian. Iraganeko akatsek suntsitutako gizateria, gehiegikeriak suntsitutako mundua.
EXODUSek iraganeko akatsek suntsitutako gizatasuna aurkeztuko du. Opera esperimental honek, ingurune metaliko eta oldarkor batean bizirauten duten “Beheratuak” deituriko pertsona gaitzetsi eta erbestaratuen talde bat du ardatz. Izaki ahaztuak dira, desohoratuak, penitentzia bete behar dutenak, beti ere lotsa aldean daramatela. Sakrifizioa eta kontrola dira bizirauteko duten salbazio bide bakarra.
Zoritxarreko gertaera batek aldaketa bortitza eragingo du. Sentitzeko era berri bat sortu da “Beheratu” batzuen barrenean, eta horrek kontrolik gabeko egoera bat eragingo du gizartean. Haien giza izaeraren bilaketak eta errebeldiak ondorioak ekarriko ditu, bai fisikoak, eta baita espiritualak ere.
EXODUS, beraz, askatasunaren aldeko iraultzatik eta barkamena aurkitzeko beharretik elikatuko den obra da.