Olatz Gorrotxategik "Progreso. El último lugar sobre la tierra" antzezlana auditorioan aurkeztuko du, otsailaren 9an, eguerdiko 13:00etan. "Progreso" antzerki-dokumentu pieza performatibo bat da, gizateriaren historia eta bizi den planetarekin duen harremana kontatzen duena. Olatz Gorrotxategi antzerkigilearen azken sorkuntza aretoko lan bat da, lengoaia eszeniko gisa objektuen antzerkia, ikus-entzunezkoa, soinu-fikzioa eta antzerki-testua erabiltzen dituena unibertsoaz eta bertan dugun lekuaz hitz egiteko. Antzerki hau ez da haurrentzako ikuskizuna, 10 urtetik gorako pertsonak entretenitzeko eta estimulatzeko pentsatutako eszenaratzea baizik.
Otsailaren 9an, igandea, La Chivata Teatrok Natalia Tapia, Salma el Amrani, Plámena Rodríguez eta Irati Moránen YO SOY AZUL sorkuntza kolektiboa taularatuko du. Zahartzaroari buruzko hausnarketa, umorearen eta antzerki fisikoaren bidez, gizarteak emakumeen zahartzeari buruz ezartzen dituen aurreiritziak eta gorputza onartzearen garrantzia birpentsatzera gonbidatzen gaituena. 4 emakumezko aktore gaztek eskutitzak jasotzen dituzte. Istorio ezberdinak gordetzen dituzten eskutitzak. Emakumeen gorputzen inguruko istorioak. Zahartzaroan dauden emakumeenak. 4 emakumezko aktore gazte, zahartzeari buruzko kontakizun soziala aldatzen ari dira, etengabe aldatzen ari diren gorputzen ezkutuko kontakizunak argitara ateraz.
19:00 – Café Bar Bilbao- XXXII. Café Bar Bilbao-Tartean saria (Markos Goikolearen gidoia): DESTINY DRIVER /Leire Ormazabal – Koldo Olabarri / 25’Sinopsia: Bi pertsonaren arteko zita bat XXII. mendean. Gizartean gero eta zabalduago dagoenDestiny Driver izeneko software batek erabiltzaileari erabakiak hartzea errazten dio, hartzen den erabakiaren arabera bi etorkizun posible ikusteko aukera emanez. Orain, pertsonaiek erabaki beharko dute: etorkizuna beraiek irudikatu ala software honen mende utzi.20:00 - BIRAALFERRAK, TUNANTEAK, MALEANTEAK / 2024ko Lautan Hiru laguntza jaso du /Ane Zabala, Galder Pérez eta Aitor García de Vicuña / 30’Sinopsia: Pili, Mili eta Willi atzerriratutako hiru inurri dira eta nagi izateko eskubide unibertsalaaldarrikatzen dute.
No hay ladrón que por bien no venga antzezlana egongo da otsailaren 13an 19:00etan Altamira Udaltegian. AMETS BETE Lapur batek burgesiaren bikoiztasun morala agerian jarriko du. Elkarri adarrak jartzen dizkioten senar-emazteen inguruko hipokrisia eta desamodioak agerian utzita. Dario Fok moral bikoitzak eta gizarte-mailen arteko harremanen sistema bidegabeak oinperatzen duen gizartearen ispiluen jokoaren aurrean jarriko gaitu.
¿QUIÉN NOS DISPARÓ? antzezlana egongo da ikusgai otsaialren 13an Arriaga Antzokian 19:30ean. ¿Quién nos disparó? benetako gertakarietan oinarritutako alegia da; baina, aldi berean, baita fantasia ere, gertakizunak errealegiak diren arren. Istorioaren hasiera hauxe izan zitekeen: «Bazen behin Errumania izeneko urrutiko herrialde bat, komunismo banpiriko baten diktadurapean bizi izan zena. Erregimen hori suntsitzeko, diktadoreak fusilatu zituzten eta demokrazia kapitalista ezarri. Horrela, Europako bigarren herrialderik pobreena izatea lortu zuten». Desengainuari buruzko alegia bat dela esan dezakegu, beldurrari buruzkoa, emigrazioari buruzkoa, esplotazioari buruzkoa, noizbait munduko lekuren batean maitatuak sentituko garen itxaropenari buruzkoa. Esperpentoa, errebista musikala, mina eta umorea aurkituko ditugu lan honetan, bai eta gero eta gizatasun gutxiago duen mundu honi buruzko begirada itxaropentsua ere.
¿QUIÉN NOS DISPARÓ? antzezlana egongo da ikusgai otsaialren 13an Arriaga Antzokian 19:30ean. ¿Quién nos disparó? benetako gertakarietan oinarritutako alegia da; baina, aldi berean, baita fantasia ere, gertakizunak errealegiak diren arren. Istorioaren hasiera hauxe izan zitekeen: «Bazen behin Errumania izeneko urrutiko herrialde bat, komunismo banpiriko baten diktadurapean bizi izan zena. Erregimen hori suntsitzeko, diktadoreak fusilatu zituzten eta demokrazia kapitalista ezarri. Horrela, Europako bigarren herrialderik pobreena izatea lortu zuten». Desengainuari buruzko alegia bat dela esan dezakegu, beldurrari buruzkoa, emigrazioari buruzkoa, esplotazioari buruzkoa, noizbait munduko lekuren batean maitatuak sentituko garen itxaropenari buruzkoa. Esperpentoa, errebista musikala, mina eta umorea aurkituko ditugu lan honetan, bai eta gero eta gizatasun gutxiago duen mundu honi buruzko begirada itxaropentsua ere.
La ratonera antzezlana egongo da otsailaren 20an 19:00etan Otxarkoaga Udaltegian. ITXARTU ANTZERKI TALDEA Zortzi pertsonaiaren istorioa Monkswell Manor deritzon ostatu-etxean harrapatuta geratzen direnean hasiko da. Etxe barruan harrapatuta suertatu dira elurraren ondorioz, eta Londresen gertatu berri den krimen batean nahasita daude, bai susmagarri gisa, bai biktima gisa. Monkswell Manor ostatu-etxea inauguratu eta aurreneko egunean, Ralston bikoteak lehen bost bezeroak hartu zituen, horietako bat ustekabean iritsi zelarik. Hurrengo goizean, Trotter sarjentua, poliziako detektibea, etorri zen, eta taldeari jakinarazi zion Culver Street-eko emakume baten hiltzailea Monkswell Manor osatu-etxera zetorrela. Hiltzaileak helbidea eta Hiru Sagu Itsuen abestia utzi zituen, beste bi ‘sagu’ akabatu behar dituela iradokiz. Elurra dela eta, zortzi pertsonaiak etxean harrapatuta geratzen dira eta, bertan, beste hilketa bat gertatuko da… Badirudi pertsonaia guztiak direla hiltzaileak.
19:00 - 7Katu gaztetxeaERREALITATEAREN HARRIBITXIAK / Amets Larrea, Nerea Lizarralde, Josu Iriarte, JareTorralba / Zuzendaria: Mikel Martinez / 30’Sinopsia: Jokin Oregiren hainbat testuekin jositako dramaturgia baten irakurketa teatralizatua da. Hain teatralizatuta ezen irakurtzearen ekintza bera antzezpenaren parte bihurtzen den.20:00 - BIRABURUAZ NORBERE EGIN / Ruth Guimera – Leire Orbe / 15’Sinopsia: Felixek eta Ana Marik bizitza gogorra daukate. Lanean daude, baina tarte bat hartzendute bokata jateko, eta tarte horretan euren egoera goitik behera aldatuko duen erabaki erradikal bat hartuko dute.
Lear: entre la vida y la muerte antzezlana egongo da otsailaren 27an 19:00etan Basurtu Udaltegian. COMPANYIA DEL BAC Zer gertatuko litzateke Lear erregearen emanaldi batean, aktore protagonistak dei bat jasoko balu ospitaletik eta bizitzeko ordubete geratzen zaiola esango baliote? Horixe gertatuko zaio aktore honi. Zer egingo du azken ordu horretan ikus-antzezleen aurrean? Hilko da ala biziko da? Heriotzaren zain dagoen gizaki baten goitik beherako aldaketa izango du zuzenean.
19:00 - KalderapekoARIMA ETA BIHOTZA / Mikel Losada – Anje Oregi / 15’Sinopsia: 2060. urtean gaude. A eta B elkarrekin bizi dira Lezoko etxe batean. B azken boladanaztoratuta dabil A erabat alfertuta dabilelako; gero eta narrasago, dezente (edo indezente)alprojatuta. B sumintzeraino nazkatu da bestearen jokaerarekin. Izan ere, B sinistuta dago A robota dela, berak bere poltsikotik erositako robota, etxeko zereginak egiteko eta beste hainbat kontutan lagungarri izan zedin. A, berriz, pazientzia galduta dabil azken aldian, B robota erosi zuen orain urte erdi etxeko zereginetan lagundu ziezaion, baina egunak dira, akatsen bategatik edo, B sinistuta dagoela pertsona normala dela.20:00 – 7Katu gaztetxeaHEROIAREN MINA / Gaizka Chamizo / 15’Sinopsia: Publikoarekin hartu emanean, bakarrizketa bat. Burdinezko barra hotz batekin dantza bat. Maitasun erromantikoari jake mate egiten dion eszenaratze gordina. Zuzen-zuzenekoa, gezurrik edo erdibideko egiarik gabekoa.
EL ARTE DE LA ENTREVISTA antzezlana egongo da martxoaren 13an 19:00etan Begoña Udaltegian. KRONOS ANTZERKI TALDEA Familia-sekretuak ezkutuan egon dira harik eta, irakasleek proposatutako ariketa bat egiteko, bilobak amamari elkarrizketa egin eta sekretu horiek guztiak aireratzen diren arte… Eta horrek ondorioak dakartza.
No hay ladrón que por bien no venga antzezlana egongo da martxoaren 20an 19:00etan San Frantzisko Udaltegian. AMETS BETE Lapur batek burgesiaren bikoiztasun morala agerian jarriko du. Elkarri adarrak jartzen dizkioten senar-emazteen inguruko hipokrisia eta desamodioak agerian utzita. Dario Fok moral bikoitzak eta gizarte-mailen arteko harremanen sistema bidegabeak oinperatzen duen gizartearen ispiluen jokoaren aurrean jarriko gaitu.
YO, VIEJA antzezlana egongo da martxoaren 27an 19:00etan Otxarkoaga Udaltegian. TEATRO COMUNITARIO AULLIDOS DE OTXAR “Ni, atsoa” dramaturgia poetikoari lotutako lana da, zahartzaroari, zahartzaroa definitzen duten hitzei eta XXI. mende honetan pentsiodunek egiten dituzten aldarrikapen ugariei buruz hausnartzen duena. Ostiralean batzartzeko deia egin dute. Aztergaien zerrenda: Zergatik jarraitzen duguborrokan erretiratuta bagaude? Non dago belaunaldi-erreleboa? Zergatik darabilte pankarta adindunek eta millennial-ek, berriz, entzungailudun iPADak, mundua hondoratzen den bitartean?
Bilboko Zirkuitua: LA ODISEA antzezlana Basurtu Udaltegian. Apirilak 3, 19:00etan. Kai Errea antzerki konpainia Odisea deritzon lehen proiektua aurkeztera dator, hau da, Homeroren obra ezagunaren Alberto Conejeroren bertsioa, Javier Liñerak egokitu eta zuzendutakoa. Ikuskizunean, kontakizun epikoaren teatraltasunari eutsi diote. Antzezleek antzeztu eta kontatu egiten dute, eta antzezle izatetik narratzaile izatera igarotzen dira. Aktoreen iraganaren eta orainaren arteko zubi bat dago; eta, hala berean, badago tirabira, elkarrizketa, eztabaida hain desberdinak diren bi errealitate horien artean. Zuzendaritza: Javier LiñeraAntzezleak: Osvaldo del Valle, Ander Jiménez, Iratxe Azkarategi, David Pérez-Zamacona, Ale Aparicio, Juan Maté, Gorka Bakedano, Nerea Arrieta Ibáñez
CUENTA ATRÁS atzezlana egongo da maiatzaren 8an 19:00etan Begoña Udaltegian. BANARTE ANTZERKI TALDEA Ertzaintzaren Operazio Berezien taldea ume baten desagerpen bitxia ikertzen ari da. Ez dago susmagarririk, ez zantzurik, ez eragingarririk, ez aldarrikapenik, ez erreskate-eskaerarik ere. Halako batean, bahitzaileak web-helbide bat argitaratuko du, umea erakusten duela, eta 30 minutuko tarteaezarriko du kasua konpontzeko. Atzerako kontaketa dramatikoak ertzainen eta gertaeren berri zuzena daukan amaren etsipena sorraraziko du… Amaiera ere halabeharrezkoa izango da.
Lear: entre la vida y la muerte antzezlana egongo da maiatzaren 15ean 19:00etan Basurtu Udaltegian. COMPANYIA DEL BAC Zer gertatuko litzateke Lear erregearen emanaldi batean, aktore protagonistak dei bat jasoko balu ospitaletik eta bizitzeko ordubete geratzen zaiola esango baliote? Horixe gertatuko zaio aktore honi. Zer egingo du azken ordu horretan ikus-antzezleen aurrean? Hilko da ala biziko da? Heriotzaren zain dagoen gizaki baten goitik beherako aldaketa izango du zuzenean.