Haurrak eta nerabeak babesteko protokoloa eguneratu eta indartu du Bizkaiko Foru Aldundiak, bereziki, Bizkaian hezkuntza-aisialdiaren arloan. Protokoloa Bizkaiko aisialdiko elkarteei bidaliko zaie, eta web-orrian eskuragarri egongo da.
Bizkaiko Foru Aldundiko Udalekuak 2025 kanpainan eta Bizkaiko hezkuntza-aisialdiko erakundeek sustatutako aisialdiko jardueretan jarriko dute martxan protokolo berri hau, bertan parte hartuko duten zuzendarik eta begiraleek. Horretarako, haurrak eta nerabeak babesteari buruzko bi prestakuntza-ikastaro jasoko dituzte.
Boluntarioekin edo kontratatutako langileekin lan egiten duten entitate eta antolakundeak hainbat gakoz eta tresnaz formatuko dira Hezkuntza-aisiaren Arloan Ume eta Nerabeenganako Indarkeriaren balizko kasuak detektatzeko eta haien aurrean jarduteko. «Jarduteko prozedurak» deritzon atalean, hain zuzen ere, zehatz-mehatz azaltzen da nola jokatu behar den indarkeria-kasu posible baten aurrean: nola detektatu, nori jakinarazi, epeak...
Eguneratzearekin, Bizkaiko Foru Aldundiak berretsi egiten du haurren eta nerabeen eskubideak hezkuntza-aisiako espazio guztietan babesteko apustua, prestakuntzaren eta protokolo argien bidez, bai eta ekosistema hori osatzen duten erakundeei laguntza emanez ere.