Ramon y Cajal kaleko 2 zenbakitik 16ra bitarteko espaloiak zabalduko dituzte, gutxienez bi metroko zabalera lortzeraino. Hortaz, egun estua den espaloia nabarmen zabalagoa izango da lanak bukatzean. Horrez gain, dauden zerbitzuak eta kale-altzariak berriztatuko dira.
Obra ekaineko lehenengo hamabostaldian hasi dute teknikariek. Udalak aurreikusita du 10 hilabetekoa epean bukatzea, milioi bateko aurrekontuarekin.
2016-2019 aldirako Auzokide Planaren barruan "auzokideek lehenetsitako" obra da.
Aparkalekua trenbidean
Ramon y Cajal kale hasierako atzealdean, erabilerarik ez duten trenbide zatian aparkalekua eraikiko du Udalak, Ramon y Cajal kale erdialdetik amaierara arte egin duen bezala.
