uriola.eus

Irailean hasiko dira Deustuko arraun pabilioi berria egiteko lanak

  Udal gaiak  Deustualdea

Deustu Arraun Taldea instalazio berriak 2018ko lehenengo hiruhilekoan erabiltzen hastea dago aurreikusita. Pabilioi berriak 1.500 m2-ko azalera izango du eta ontzientzako hangarra, entrenamendurako sakonunea eta gimnasioa egongo dira.

Behin betiko proiektua onartu ondoren, Bilboko Udalak baieztatu du irailean Deustuko pabilioi berriko obrak hasiko dituela. Obrak 2018ko lehenengo hiruhilekoan amaituta egotea aurreikusita dago.

Solairu bakarra izango du pabilioiak eta bertan ontzientzako hangarra, entrenamenduak egiteko sakonunea, gimnasioa, tailer-biltegia, egokitutako aldagelak eta komunak, kabinete medikoa, administraziorako gunea eta bilera-gela egongo dira.

Pabilioi berriaren diseinuan deigarria da instalazioen barruko elementu nagusien itsasadarrarekiko eta uriarekiko erlazioa. Onartutako proiektuaren arabera, eraikina elementu nagusi bien inguruan eraikiko da, hau da, hangarraren eta gimnasioaren inguruan. Elementu horiek biak irekiak izango dira eta modu bisualean lotuta egongo dira pabilioi barruan eta itsasadarrean, leku bietan, arraunean egitea.

Ontzientzako hangarrak 6 metro libreko altuera izango du eta sartzeko hiru ate handi, baita biltegi-kale batzuk ere. Entrenamenduak egiteko sakonuneak alde bakarrean arraunean egiteko lerro bakarra izango du, banku finkoan aritzeko. Gimnasioa leku zabala izango da eta bertatik kanpoaldea ikusi ahalko da. Gainera, hiru alde izango ditu arraun-ariketak egiteko, jarduera kardiobaskularrak egiteko eta pisuekin lan egiteko.

Instalazio berria San Ignazioko Zarandoa etorbidean egongo da eta Deustuibarran kokatuta dagoen pabilioiaren ordez jarriko da. Pabiloi zaharra 1984an egin zuten eta, instalazio berriak egiteko obrak amaitu ondoren, bota egingo dute, haren lursaila Zorrotzaurreko urbanizazioaren barruan dago-eta. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa