Gaur gauean ikastetxean itxialdia egitea aurreikusi bazuten ere, azkenean bertan behera utzi dute asmoa. Izan ere, Ibarrekolanda BHIko ordezkariak Hezkuntza Sailarekin negoziatzen hasi dira. Beraz, ohiko jardunera itzuliko dira irakasle eta ikasleak momentuz, Eusko Jaurlaritzaren azken hitza jakin bitartean.
[Eguneraketa] Dena den, EITBk aditzera eman duenez, datorren ikasturtean Arte Batxilergoa ematen jarraitzeko aldarrikapena onartu omen du Jokin Bildarratz sailburuak. Datozen ikasturteetan zer gertatuko den jakitea falta izango litzateke, beraz.