uriola.eus

Errekaldeko I. Zentzuzko Kontsumo Azoka larunbatean

  Kultura-aisialdia  Errekalde
Hainbat tailer, hitzaldi eta ekintza atondu ditu Gazteleku elkarteak astebururako.

Datorren zapatuan, ekainak 7, Gazteleku elkarteak ospatuko du I. Zentzuzko Kontsumo Azoka Errekalde plazan. Gazteleku Errekaldeko komunitate garapen elkartea da eta egitarau oparoa prestatu du astebururako kontsumo modu berriak eta bidezko merkataritza lantzeko, besteak beste. 11:30etatik aurrera hainbat ekintza aurrera eramango dituzte, azoka, tailerrak eta kalejira, hurrenez hurren. Halaber, makina bat hitzaldik bide izango du eguerdian zehar, merkatu soziala, energía berriztagarriak, desazkundea eta hiri baratzak eta nekazaritza ekologikoak hizpide izango dutenak, hain zuzen.

Txikiengan kontzientzia sortuz

Helduentzako ezezik, haurrentzako programa ere aurkeztu dute, txikitatik eta pausoz pauso umeei kontsumo zentzuduna zer den irakasteko. Horrela, tailerrez aparte, gaztelu puzgarriak eta ipuin kontalari jardueretan parte hartzeko parada ezinhobea izango dute.

2014/06/07 11:30 - 19:00

Errekalde plaza | Errekalde

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa